صاحبزادہ سید صفدر شاہ گیلانی (ایم اے اسلامیات) 1963ء میں کندیاں کے ایک علمی روحانی گھرانے میں پیدا ہوئے ، بانی میانوالی حضرت سید میاں علی شاہ گیلانی رحمتہ اللہ علیہ(جوکہ حضرت سید شیخ جلال الدین گیلانی بغدادی کے فرزند ہیں )ان کے بیٹے حضرت سید الشیخ میاں محمد اسحاق شاہ گیلانی رحمتہ اللہ کی اولاد سے ہیں ان کے ایک بزرگ اپنے دور کے مستند عالم دین الشیخ السید میاں احمد الدین شاہ گیلانی گانگوی رحمتہ اللہ علیہ سیال شریف میں صدر مدرس رہے شیخ الاسلام حضرت خواجہ محمد قمرالدین سیالوی رحمۃ اللہ ، امام المناطقہ علامہ عطا محمد بندیالوی رحمۃ اللہ علیہ ، حضرت خواجہ محمد اکبر علی میروی رحمتہ اللہ علیہ جیسی جلیل القدر شخصیات کے استاد تھے ، سید محمد صفدر شاہ گیلانی نے زمانہ طالبعلمی سے ہی تنظیمی تحریکی زندگی شروع کر دی تھی کیونکہ ان کے دادا صوفی باصفا الشیخ السید مولوی میاں اکبر علی شاہ گیلانی قادری رحمتہ اللہ علیہ ، اور ان کے والد عالم باعمل خطیب بیباک الشیخ السید حکیم میاں غلام حیدر شاہ گیلانی رحمتہ اللہ علیہ مجاہد ملت بطل حریت حضرت مولانا محمد عبد الستار خان نیازی رحمتہ اللہ علیہ کے جانثار ساتھیوں میں سے تھے اس لئے بچپن سے ہی نظام مصطفیٰ صلی اللہ علیہ وآلہ وسلم کی جدو جہد میں مصروف ہوگئے
پہلی گرفتاری 1985 میں ہوئی بعد ازاں تحفظ ناموس رسالت کی پاداش میں کئی مرتبہ گرفتاریاں ہوئیں حتی کہ دھشت گردی کورٹ میں بھی مقدمات کا دیدہ دلیری سے سامنا کیا زمانہ طالبعلمی میں انجمن طلباء اسلام کے مقامی ضلعی ،صوبائی ،مرکزی عہدوں پر رہے جماعت اہلسنت پاکستان صوبہ پنجاب کے جنرل سیکرٹری ،صوبائی نائب صدر ، مرکزی نائب ناظم اعلیٰ ، جمیعت علماء پاکستان (نیازی) کے مرکزی سیکرٹری اطلاعات ،اور یوتھ ونگ (انجمن نوجوانان اسلام) کے مرکزی صدر رہے ، سنی اتحاد کونسل کے بانی اور مرکزی چیف آرگنائزر رہے ، ، اور اب جمیعت علماء پاکستان کے مرکزی سیکرٹری جنرل اور ملی یکجہتی کونسل پاکستان کے مرکزی نائب صدر ہیں
سید محمد صفدر شاہ گیلانی پندرہ سال تک ممبر اتحاد بین المسلمین کمیٹی حکومت پنجاب رہے ، ممبر نان آفیشل جیل خانہ جات حکومت پنجاب رہے ، پنجاب اسمبلی میں جے یو پی (نیازی)کے پار پیمانہ ترجمان بھی رہے ،،، جبکہ تحصیل کونسل پپلاں کے ناظم اور علاقہ میں چیئرمین عشر زکواۃ کمیٹی بھی رہے ، شعبہ صحافت کے حوالے سے روزنامہ جنگ سے تقریباً 20سال تک وابستہ رہے انجمن صحافیان ضلع میانوالی کے صدر بھی رہے مختلف اخبارات و رسائل میں کالم نویس بھی رہے ، کئی ملکی و بین الاقوامی فورمز پر نمائندگی کر چکے ہیں۔
